మన దేహములో పది ఇంద్రియములు, ఐదు ప్రాణములు, మనస్సు, బుద్ధి, అహంకారము= 18 భగవద్గీతలో 700 శ్లోకాలు ఉన్నాయి. వాటిలో శ్రీకృష్ణుడు చెప్పినవి 574, అర్జునుడు చెప్పినవి 84 సంజయుడు చెప్పినవి 41, ధృతరాష్ట్రుడు చెప్పినది 1 మొత్తము 700. కొన్ని ప్రతులలో 701 ఉన్నాయి. ...  గీత సాక్షాత్తు పరమాత్మ అవతారమగు శ్రీకృష్ణుడు అర్జునునకు ఉపదేశించన యోగశాస్త్రము, ఉపనిషత్ సారము. శ్రీకృష్ణుని వంటి గురువు, అర్జునుని వంటి శిష్యుడు ఈ అనంత విశ్వంలో మరొకరు లేరు అనడంలో అతిశయోక్తి లేదు. వీరి సంభాషణను వ్యాసమునీద్రులు అక్షరబద్దం చేసి మనకు అందించారు .. రామాయణం సర్గలలోని శ్లోకాల సంఖ్యా వివరాలు, బాల కాండ (77)సర్గలు (2256)శ్లోకాలు, అయోధ్య కాండ (119)సర్గలు (4415)శ్లోకాలు, అరణ్య కాండ (75)సర్గలు (2732)శ్లోకాలు, కిష్కింధ కాండ (67)సర్గలు (2620)శ్లోకాలు, సుందర కాండ (68)సర్గలు (3006)శ్లోకాలు, యుద్ధ కాండ (131)సర్గలు (5990)శ్లోకాలు, ఉత్తర కాండ (110)సర్గలు (3234)శ్లోకాలు, ఏడు కాండలు (647)సర్గలు (24,253)శ్లోకాలు, అంటే ఒక్కో శ్లోకానికి 32 అక్షరాలు ఉంటాయి... రామాయణము అత్యంత పురాతన మైనది క్రీ.పూ. కు చెందినది అని చరిత్రకారుల అభిప్రాయము....

Sundarakanda Sarga (Chapter) 49 – sundarakāṇḍa ēkōnapañcāśaḥ sargaḥ

|| rāvaṇaprabhāvadarśanam ||

tataḥ sa karmaṇā tasya vismitō bhīmavikramaḥ |
hanumānrōṣatāmrākṣō rakṣō:’dhipamavaikṣata || 1 ||

bhrājamānaṁ mahārhēṇa kāñcanēna virājatā |
muktājālāvr̥tēnātha mukuṭēna mahādyutim || 2 ||

vajrasamyōgasamyuktairmahārhamaṇivigrahaiḥ |
haimairābharaṇaiścitrairmanasēva prakalpitaiḥ || 3 ||

mahārhakṣaumasaṁvītaṁ raktacandanarūṣitam |
svanuliptaṁ vicitrābhirvividhābhiśca bhaktibhiḥ || 4 ||

vivr̥tairdarśanīyaiśca raktākṣairbhīmadarśanaiḥ |
dīptatīkṣṇamahādaṁṣṭraiḥ pralambadaśanacchadaiḥ || 5 ||

śirōbhirdaśabhirvīraṁ bhrājamānaṁ mahaujasam |
nānāvyālasamākīrṇaiḥ śikharairiva mandaram || 6 ||

nīlāñjanacayaprakhyaṁ hārēṇōrasi rājatā |
pūrṇacandrābhavaktrēṇa sabalākamivāmbudam || 7 ||

bāhubhirbaddhakēyūraiścandanōttamarūṣitaiḥ |
bhrājamānāṅgadaiḥ pīnaiḥ pañcaśīrṣairivōragaiḥ || 8 ||

mahati sphāṭikē citrē ratnasamyōgasaṁskr̥tē |
uttamāstaraṇāstīrṇē sūpaviṣṭaṁ varāsanē || 9 ||

alaṅkr̥tābhiratyarthaṁ pramadābhiḥ samantataḥ |
vālavyajanahastābhirārātsamupasēvitam || 10 ||

durdharēṇa prahastēna mahāpārśvēna rakṣasā |
mantribhirmantratattvajñairnikumbhēna ca mantriṇā || 11 ||

upōpaviṣṭaṁ rakṣōbhiścaturbhirbaladarpitaiḥ | [sukhōpa-]
kr̥tsnaṁ parivr̥taṁ lōkaṁ caturbhiriva sāgaraiḥ || 12 ||

mantribhirmantratattvajñairanyaiśca śubhabuddhibhiḥ | [sacivai]
anvāsyamānaṁ sacivaiḥ surairiva surēśvaram || 13 || [rakṣōbhiḥ]

apaśyadrākṣasapatiṁ hanumānatitējasam |
viṣṭhitaṁ mēruśikharē satōyamiva tōyadam || 14 ||

sa taiḥ sampīḍyamānō:’pi rakṣōbhirbhīmavikramaiḥ |
vismayaṁ paramaṁ gatvā rakṣō:’dhipamavaikṣata || 15 ||

bhrājamānaṁ tatō dr̥ṣṭvā hanumānrākṣasēśvaram |
manasā cintayāmāsa tējasā tasya mōhitaḥ || 16 ||

ahō rūpamahō dhairyamahō sattvamahō dyutiḥ |
ahō rākṣasarājasya sarvalakṣaṇayuktatā || 17 ||

yadyadharmō na balavānsyādayaṁ rākṣasēśvaraḥ |
syādayaṁ suralōkasya saśakrasyāpi rakṣitā || 18 ||

asya krūrairnr̥śaṁsaiśca karmabhirlōkakutsitaiḥ |
tēna bibhyati khalvasmāllōkāḥ sāmaradānavāḥ || 19 ||

ayaṁ hyutsahatē kruddhaḥ kartumēkārṇavaṁ jagat |
iti cintāṁ bahuvidhāmakarōnmatimānkapiḥ | [hariḥ]
dr̥ṣṭvā rākṣasarājasya prabhāvamamitaujasaḥ || 20 ||

ityārṣē śrīmadrāmāyaṇē vālmīkīyē ādikāvyē sundarakāṇḍē ēkōnapañcāśaḥ sargaḥ || 49 ||

www.sanatanadharm.com - play store app (sanatana dharm)  

"Bharathiya Sanatana Dharmam" and Sanatana Dharm & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshati Rakshitha" and the logo is not allowed. Copyright © sanatanadharm.com All Rights Reserved . Made in India.